呂方舊年同嘟嘟鄭裕玲甩拖後，傳佢同一位有家底嘅高妹拍拖，前晚馮仁昭喺灣仔撞見呂方，但佢身邊就見唔到傳聞中嘅女友。原來呂方約咗朋友喺有骨氣打邊爐，佢將部寶馬泊咗喺畫雙黃線嘅路邊，完全唔驚俾警察抄牌。呂方「滾」到夜晚10點半離開，見到記者影相時仲一反常態咁笑晒口揮手拜拜，心情咁靚，唔通真係有愛情滋潤？