何韻詩昨日在尖沙嘴與一班男舞蹈員排舞，備戰下月在紅館舉行的演唱會，她表示由於演唱會主題為超人，所以舞步都比較高難度，她笑說：「超人識得飛天遁地，咁我哋又冇吊威吔，所以好多動作都要自己做番，我啲男dancers都練到好似十八銅人咁，我就練到四肢都變成義肢。」
阿詩還與眾猛男舞蹈員有不少身體接觸，可謂任人摸，她笑說：「班人都摸到厭晒，唔想再摸，開騷時等我加番啲嘢，等佢哋好摸啲。」
怕愛上張敬軒
阿詩因為這次演唱會，多了一位摯友，她笑說：「真係要好多謝張敬軒，因為佢知道我排演唱會好辛苦，又食冇定時，特別叫佢工人煮埋我飯，等我去佢屋企食飯，起初我仲諗佢會唔會暗戀我，佢都有叫我去佢屋企同佢一齊食o架，不過我都怕我會愛上佢。」
採訪、攝影：胡比