【廣州直擊】張敬軒前晚在老家廣州舉行音樂會，他穿上SalvatoreFerragamo贊助的兩套西裝登場，其母親更罕有地穿上低胸裙示人，軒仔拿母親開玩笑說：「媽咪都好有睇頭，唔係點養大我。」而一向男女緋聞通殺的軒仔更吸引到男fans示愛，他也顯得十分受落。
張敬軒前晚在廣州星海音樂廳舉行「張敬軒unplugged第一樂章音樂會」，現場座無虛席，軒仔更先後穿上兩套由名牌SalvatoreFerragamo贊助的西裝示人，除了其父母、親友到場支持外，以前舊公司的同事亦有捧場。
由於前晚場地開四面台，所以軒仔要不時照顧四面觀眾，但他就抵死大講爛gag，笑言要某部份觀眾看他的臀部而不好意思，並笑說：「有啲觀眾就要喺中秋賞月了。」又講笑指與台下的錄音師「下面見」，笑爆全場。
軒仔更連張母也不放過，並笑說：「啲同事平時唔會高帽低衩返工，但今日就好大方，好似媽咪都係，佢好有睇頭，唔係點養大我。」令台下穿上黑色低胸裙的張母哭笑不得。
一向性取向成疑的軒仔與關智斌的斷背戀傳個不停，前晚除了大受女歌迷歡迎外，連男fans也向他高呼「我愛你」，軒仔更十分受落說：「我都好愛你。」
事後軒仔接受訪問時自爆被媽咪責備將她擺上枱，他說：「其實媽咪犧牲好大，除咗第一次畀爹哋見到咁低胸之外，今次先係第二次，平時媽咪好節儉，但呢條裙就要成5位數字。」對於有男fans示愛，軒仔坦言幾好，並得戚說：「即係邊一方面歌迷我都殺晒，每個歌迷都一樣，好多都跟我好多年，係米飯班主。」
照顧關楚耀生活
此外，提到是否有邀請關楚耀捧場時，軒仔表示沒有刻意，以免給他太大壓力，軒仔說：「佢閉緊關，我哋冇見面，但有通電話，佢呢排做運動，我會喺生活上關照佢，但佢同公司嘅嘢就佢哋決定，不過我都想佢可以做10月環球嘅騷，始終都已成過去，要睇將來。」
採訪、攝影：曾小嘉