周日選擇正確，重心愛華頓贏來清風送爽，毫無難度，好過曼聯驚險開熱W。賭波從來都係跟紅頂白，順開有錢分嘅球隊，唔怕追入，一如上月嘅熱刺；用追寶尾嚟先閂自己後門，唔太明智。周中愛軍喺盃仔作客「冇牙老虎」侯城，再冒進博有分頭嘅單W作重心投注。
說也奇怪，升班馬總喺第一季有令人側目嘅表現，靠附加賽喺今季升超聯嘅般尼，情況一如上季侯城，喺各路人馬包括莊家未摸清呢類初哥底蘊前，波友咪睇少佢哋。反觀侯城，亮麗了上季前半段後，一直捱打至今；上仗主場竟負伯明翰，菲爾布朗真係亂晒，正選排出艾迪杜里拍希斯寧基，前者係從未證明有頂級水平嘅美國仔，後者係些路迪亦放棄嘅過氣荷蘭國腳，結果全場攻勢反不及同級嘅伯軍輸波。
愛華頓作客無懼侯城
季初玩嘢放走主力中堅米高端納嘅菲爾布朗，喺侯城領軍日子已在倒數，周末又要作客利記，仲邊有心情遣強陣爭盃仔；反而愛華頓雖然要兼顧歐霸盃，但季初唔需要理會呢個元素，加埋人腳遠在侯城之上，派副選箭頭耶高保拍祖奧已夠可怕，臨場見卡希爾列陣，更可放心捧場，單W有2倍以上，呢粒「糖」竟越贏越好分；次選，提供挪威班霸洛辛堡同受傷嘅曼城俱大炒對手互串，多個選擇。
（下次見報日：周六）
文：Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期三32愛華頓勝(2.05)
星期三43洛辛堡勝[-1](1.85)x星期三52曼城勝[-1](2.2)2x1
簡評：周中盃賽為主，軍情未明，集中火力賭一注較合。