關之琳早前多次被發現和台灣富商陳泰銘約會，她前晚由內地趕返港出席活動，風騷自爆蜜運中，直認有時間談戀愛。同場的李玟雖然和男友Bruce訂婚多年，卻忽然退步指結婚需要好大勇氣，決定嘆慢板。
關之琳、李玟、方中信與舊愛陳道然（蘭子）、賭王女兒何超雲、何超瓊和林建岳女兒林心兒等，前晚在中環四季酒店出席護膚品牌LaMer活動，欣賞由張叔平操刀拍攝的MostBeautiful10展覽。
內地頻撲工作
活動臨近尾聲，嘉賓陸續離開之際，仍未見關之琳到達，原來她剛剛落機，身穿乾濕褸襯牛仔褲趕到，保安員阻隔傳媒拍照，一度引起爭執，之之大方站在大堂接受訪問，她說：「今次嚟支持阿叔，我唔知係乜嘢嚟o架，總之對佢絕對信任啦，加上我好耐冇影過呢類相，咪當做留念囉。」
之之透露近日忙於在內地拍廣告，分別在上海、北京和廣州拍了三個廣告，今年仍有兩個廣告要拍，相當豬籠入水，她說：「冇計過幾多錢，我都陸續減緊啲廣告，有啲等合約滿。」忙於拍廣告銀，豈非沒空談戀愛？她即風騷說：「有o架，有o架！」未知她何時公佈戀情？
李玟唔急結婚
同場的李玟（CoCo）與男友訂婚多年，至今仍未拉埋天窗，她說：「呢排聽到好多人結婚，都好開心，我結婚嘅事就慢慢嚟，因為結婚需要好大勇氣，幾個家姐都未結，唔心急。」
這邊廂CoCo甜蜜蜜談情說愛，舊情人蘭子和方中信也有捧阿叔場。
採訪：JessicaNgan
攝影：ChenWaion
