相信波友都有一個夢想，就係為愛隊一球奠勝，仲要喺成千上萬球迷面前射入，咁先叫威！遠在俄羅斯嘅「波牛」就有新橋，趁球員準備射12碼之際，突然衝入球場「截糊」射波（圖）！俄超周日就出現咗呢個搞鬼場面，當時莫斯科斯巴達作客土星輸緊0:1，但獲得12碼；當斯巴達嘅巴西球員阿歷斯準備主射之際，突然衝咗一個身形肥胖嘅狂迷入場，仲搶先射入，之後與同伴二人跑足全場先至走人！至於場波，斯巴達最後輸1:2！