最近攻力着晒火的皇家馬德里，對上4戰轟入16球，是捧場客近期財星，長捧長有。周三西甲皇馬作客料缺數名主力的「黃色潛艇」維拉利爾，又可重槌1.57倍W，[-1]的2.5倍「客勝」也別錯過。
繼歐聯5:2大勝蘇黎世後，周日皇馬又大炒薩雷斯5:0，基斯坦奴朗拿度連續兩場梅開二度；而養傷9個月復出的雲尼斯達萊上仗同有進賬，就算這名荷蘭射手再度因傷要休戰5至6周，但希古恩、魯爾與賓施馬幾名前鋒同樣於近仗齊齊入波，派邊個出場都冇問題。中堅比比停賽已變得不重要，因攻力強得驚人；而沙比阿朗素日前已復操，但仍未可上陣。
維拉利爾聯賽3戰不勝，尤其上場2:3不敵畢爾包，搏足全場仍要敗陣，體力、士氣俱受損，最慘是維拉利爾料有尼爾馬、艾巴加沙、辛拿與富斯達等主力因傷缺陣，頹態加上陣容不整，客W實值重槌。
奧沙辛拿受讓筍
奧沙辛拿上周缺兩主力，才於主場淨吞西維爾雙蛋；但周三作客華拉度列時，有國腳左閘蒙利爾與中場大腦尼古納姆齊齊停賽復出，就算輪到沙治奧費南迪斯坐波監亦冇有怕。主隊華拉度列上場擊敗薩拉戈薩聯賽開齋，但讓平/半似乎讓唔起。
至於剛負巴塞隆拿2:5的馬體會，除受傷兵問題困擾外，亦有沙治奧阿辛祖等人出戰世青盃，目前僅餘16名球員候命；據悉阿古路與沙保沙傷勢無礙，今迎艾美利亞可上陣。唔信馬體會咁頹，小注「和局」捧場。文：畢傑
混合過關
星期三20馬德里體育會和[-1]（3.5）x
星期三22奧沙辛拿（下）x
星期三23皇家馬德里勝[-1]（2.5）3x4