花旗股市同A股都跌，不過噚日港股就現背馳，升咗228點，雖然成交好奀，唔夠500億元，但係睇見滙控（005）、中移動（941）同埋啲地產股咁醒神，後市可以睇好啲。金價喺1000美元反覆，之前講過，如果睇好金價，金股逢調整都可以買啲，睇噚日啲金股好似又想郁嘞。
紫金C輪17889：紫金（2899）昨收8.11元，升2.9%。紫金之前彈上8.48元就掉頭回落，下試10日線現十字星完成調整，噚日炒上個勢都幾靚，破咗8.48元之後睇9.60元，可以諗吓隻輪17889。隻輪現價14.6仙，2010年5月3日到期，行使價8.88元，溢價27.5%，引伸波幅70%，有效槓桿率3倍，正股見9.60元，17889睇24仙，正股跌穿7.60元就沽咗隻輪。
俊樺