大市成交續見萎縮，港股昨雖升228點，報21701，但成交不足500億元！今日國藥控股（1099）掛牌，大市成交肯定因而回升，一兩日成交升跌唔代表係乜，問題係釋放出來的資金會否戀棧股海。
今年「十．一」國慶假期特別長，呢種日子最好去旅行，所以估計今年「十．一」長假期旅客人數會大增，最受惠應該係內需、酒店及賭業股。其實，一講「內需」呢個範疇，層面好廣，民眾放假消費，百貨股可謂「食正條水」。
新世界百貨（825）積極物色併購對象，要求項目內部回報至少要有15%；目前集團共有33間分店，總樓面面積超過100萬平方米，為提高品牌形象及刺激人流，已進行大革新計劃，其中位於瀋陽3家分店煥然一新後，客流量升40%。
新百貨昨升3.9%，報5.90元，有力挑戰50日線（6.13元）水平，如升破可再上層樓，目標6.60元。
方星俠