陳豪、佘詩曼、黃德斌、林保怡和邵美琪昨日為戚其義監製的無綫新劇《天與地》試造型，陳豪今次大玩新意思，以真空皮褸造型搶去不少風頭，收身成功後的陳豪嫌自己仍未達到目標，堅持不拉低拉鏈晒肌肉。剪掉一頭長髮的佘詩曼，則嫌棄陳豪膚色太白淨。
佘詩曼昨日在《天與地》試造型上以短髮look示人，阿佘笑稱今次是長髮為君剪，她笑說：「今次係因為戚其義而剪頭髮，對上一次剪短頭髮已經係五年前嘅事，當時因為要拍《隨時候命》，雖然剪髮時有啲唔捨得，不過家愛上呢個造型，覺得好清爽。」
欠三嚿腹肌示眾
劇中阿佘與陳豪扮演初戀情人，而且與林保怡和黃德斌有不少對手戲，但全部以友情為主。陳豪的真空皮褸造型搶去不少風頭，阿佘笑說：「雖然我都覺得佢有少少吝嗇，不過我平時好少見佢會咁着，聽講佢都好努力操弗，我諗佢都減咗20幾磅先有呢個效果，但係我反而覺得佢啲膚色太白淨。」
陳豪也表示目前正努力苦練肌肉，不過他堅持不肯拉低拉鏈，他說：「今次我喺劇入便要露上身打泰拳，我家已經減咗30磅，都有三嚿腹肌，但係距離我目標仲有五至八磅，同埋要六嚿腹肌先可以見人。」陳豪更表示戚其義專程邀請泰國冠軍拳王冬蔭功來港教泰拳，而且又會扮band友。
邵美琪唔恨拍拖
與陳豪飾演情侶的邵美琪，雖然戲中被陳豪騙財騙色，但現實生活中未曾遇過愛情騙子，問邵美琪目前的感情狀況，她說：「感情嘅事唔想講太多，不過我自己唔想亦唔心急拍拖，如果結婚一定會公開。」
此外，談到劇中有人吃人的故事情節，戚其義說：「因為電視尺度有限，而且故事係講述陳豪、黃德斌同林保怡經歷過後嘅轉變，所以會用回憶嘅方法去處理。」
採訪、攝影：何慧斯