日本股市放假，A股都就嚟放假，港股噚日淡靜，全日唔夠600億成交，恒指連續第2日下跌，但指數企喺上禮拜個上升裂口收市，倒轉錘形態，唔算曳，暫時都係整固待變格局。金管局提醒銀行注意按息太低，地產股借勢回落，落到技術支持位又可以買過。
太AC輪18298：太古A（019）延續近日嘅升勢，再創年內新高，報收90.90元，今次升浪有機會見115元，可以諗吓隻C輪18298。隻輪現價24.1仙，2010年10月25日到期，行使價80元，溢價14.5%，引伸波幅54.2%，槓桿率3.8倍（有效2.6倍）。正股升上115元，18298有機會見42.4仙，大約七成半升幅，正股跌穿84元，沽咗隻輪。
俊樺