陳豪、謝雪心、珈潁和萬綺雯等，昨晨到迪欣湖出席世界癡呆日慈善行，雖然在早上舉行，但烈日當空相當炎熱，陳豪以恤衫打呔出現，最後因太熱而除呔。
睇好祥仔封帝
談到無綫台慶頒獎禮延遲舉行，讓兩套台慶劇《宮心計》和《富貴門》有份競逐，令大熱視帝視后黎耀祥和鄧萃雯得獎出現變數，有份演《宮》劇的陳豪說：「其實好事，令台慶劇都可以參加。但我覺得對祥仔影響唔大，因為佢真係好勁，總之邊個得獎都係由觀眾去揀選。」陳豪又自爆瘀事，他表示心姐欲介紹女兒珈潁給他認識，但他衝口而出稱已認識嘉穎（鄭嘉穎），故不用她介紹。
此外，萬綺雯被問到有傳老公陳十三患癌，她說：「梗係冇咁嘅事，我都唔明點解會咁傳，佢只係去做身體檢查咋。」
採訪、攝影：張俊銘