賭王何鴻燊在港安醫院留院已55日，何超瓊日前透露賭王每日落床做物理治療，踩單車，情況似乎不俗。四姨太梁安琪昨日忙於競選澳門立法會議員，疲於奔命，而三姨太陳婉珍探病之餘，昨日又去了港大領取加拿大特許管理學院暨美國林肯大學的榮譽院士。三姨太謂會拍照拿給賭王看，她又否認賭王轉回養和休養的消息，她說：「佢都係食流質嘢，睇電視，都有讀報紙畀佢聽，但佢冇心機聽，除非八卦嘢啦。」中秋節也會帶月餅和賭王慶祝。
「行得麻麻」
賭王情況穩定，問三姨太可會減少探望？她說：「慣咗，唔去唔安樂，佢落得床，但行得麻麻，要做物理治療。」三房長女何超雲則透露陪父親傾偈看電視。何鴻燊的愛駒爆炸昨日在沙田馬場出戰廣東讓賽盃，最終三甲不入。
此外，鄭中基昨日也在港安醫院出現，下午近４時，鄭中基戴住口罩，由助手陪住到醫院，半小時後拿着藥物離開。
採訪、攝影：藍文浩、彭琮然