緋聞男女陳奕迅（Eason）和謝安琪（Kay）前晚同場現身《勁歌金曲優秀選第二回》，雖然兩人強調在化妝間有碰面兼傾偈，但最終未有合照，Kay一唱完得獎作品更匆匆走人。反而多次傳出與徐濠縈婚姻亮紅燈的Eason，罕有地開腔力指與妻子感情堅固，力證感情不變。
陳奕迅、謝安琪、容祖兒（Joey）和方大同等得獎歌手，前晚齊齊現身將軍澳電視廣播城，出席《2009勁歌金曲優秀選第二回》，Joey更連奪歌曲獎及最受歡迎廣告歌曲獎，成為眾歌手之冠。不過前晚眾人的焦點，仍集中在被傳搞婚外情的緋聞男女Eason和Kay身上。
強調碰面不尷尬
Eason和Kay的緋聞近日傳得甚囂塵上，前晚兩人雖然同場也未有大方合照，Kay唱完得獎歌《年度之歌》即匆匆走人，成為唯一一個沒有謝幕的歌星，但她接受訪問時強調與Eason碰面不會避忌和尷尬，又指兩人在化妝間有傾偈。反而緋聞男主角Eason見到記者拍照時，鬼馬地做出搞笑動作，心情似乎未有受緋聞所影響。
其後Eason接受訪問時，指近日傳他離家出走的報道十分荒謬，並直認傳出緋聞後有減少與Kay聯絡，但強調兩人私下有偈傾。近日Eason愛女康堤開學，他也被拍得送女上學，Eason說：「最好唔好煩到個女同屋企人，之前佢開學我唔喺香港，之後都有人影到，如果我知有記者就唔會着短褲騷對咁粗嘅光管腳。我好似細菌咁，怕影響到學校同家長，有啲圈中人會覺得唔好，好似學友就好抗拒。」
問到Eason這次傳緋聞會否影響他與徐濠縈的婚姻時，他即堅決表示沒有，更罕有地澄清說：「知冇嘢，咁多年都傳過好多嘢，試過傳車婉婉，結婚又離婚，唔係咁易影響到，我同阿徐好堅固吓，可能佢最近出返嚟做時裝，所以多咗機會俾人寫。」
稍後推出合唱歌
Eason又自言稍後將與Kay推出勵志合唱歌《青春無悔》，但他早已獨自完成錄音，問他為何不相約Kay齊齊錄音？他即鬼馬地表示自己也很渴望與Kay錄音。過往Eason每談及緋聞均不多言，前晚他有感而發指今年不知犯了甚麼事，令緋聞事件似連續劇般，又謂雖然深明圈中不少藝人愛造新聞，但他由出道至今卻從未試過。
採訪：楊潔雯
攝影：黃文成