「模art」文詠珊（JaniceMan）、江若琳（Elanne）及諸葛梓岐（Marie）前晚一同擔任時裝騷模特兒，當中以JaniceMan和Elanne的fans最多，尾聲時JaniceMan領軍謝幕，盡顯「模art」地位，Elanne即自封「Sing模」，希望發奮向上。
黎明新寵文詠珊前晚和江若琳、諸葛梓岐、「翻版徐子淇」Zelia、汪圓圓及名模Jocelyn等，在又一城擔任時裝騷的模特兒，各人示範秋冬新裝，大班fans到場為偶像打氣，場面熱鬧。當中以JaniceMan和Elanne的fans最多，人數可謂不相伯仲，但若論聲勢則以Elanne的明顯較大。至於Marie的支持者混在Elanne的fans堆中，只有小貓三、四隻，即被比下去。時裝騷尾聲時，JaniceMan帶領Elanne和Marie等人出場謝幕，盡顯「模art」地位，台型十足。
JM：冇分次序
問到JaniceMan做領軍盡顯地位，她說：「其實冇分次序，大家都係想個騷做好啲，相信係以衫做次序。」不過fans聲勢卻似乎不及Elanne的強大，JaniceMan直言不會以此作比較，只要有fans到場打氣已很開心。
Elanne則直認行騷心情緊張，但仍滿意自己表現，給95分，原來Elanne因緊張和壓力，加上擔心有肚腩出現，故前一晚未有食晚飯，結果弄致胃痛。
自嫌高度稍遜
至於fans聲勢稍勝一籌，Elanne表示沒有和其他人比較，但她坦言不夠高，沒有身材也能有機會行騷，對自己來說是挑戰，她笑說：「我係『sing模』，同『模art』唔同，我係新人，要向其他人學習。」
採訪：魯萍
攝影：葉君海