睇完德國法蘭克福車展，大廠已經唔再一味死谷ConceptCar，改為力推環保車款，過往大堆驚為天人嘅概念車，買少見少。若論古怪概念車，令我最有印象係2001年東京車展曇花一現嘅pod，呢架由SONY同豐田合作嘅ConceptCar，外形似鐵饅頭多過似架車，最得意之處係車前幾條「燈」，會隨駕駛狀態而轉色，如狠劈就變紅色、輕鬆遊車河就變藍色等，仲會好似《星戰》R2D2咁呱呱叫，Cute到痹。雖然現實中無量產周街行，不過喺同期推出嘅PS2遊戲《GTConcept2001Tokyo》裏面，勝出所有盃賽後就攞到呢架最終車種，不過pod無馬力可言，純屬好玩過癮。
記者：徐影龍