隔牆有耳:睇電視閱兵仲High - 李八方

隔牆有耳:睇電視閱兵仲High - 李八方

唔少特區政商界知名人士9月30號上京閱兵,工聯會會長鄭耀棠毫無疑問係上賓之一,但棠哥貴人事忙,一早應承咗好多團體留守香港出席十‧一慶祝活動,所以就算張請柬幾咁矜貴,佢都決定忍痛不赴京,留喺香港搵部最大size嘅電視機感受氣氛,相信唔少冇份獲邀上京嘅政圈中人會暗嘆棠哥好嘥料。
左派紅人梁振英被質疑係共產黨黨員,引嚟唔少風波,棠哥最近見到CY有向佢saysorry,但唔係為冇過佢兩招解圍致歉,反而係覺得自己早前公開表態反對高級公務員減薪,連累到CY俾人窮追猛問係咪有行會成員違反集體負責制,唔好意思。