今日冇乜好賭，最宜馬後炮。英超賭了個多月，成績算見得人，尤其玩弄熱刺於股掌之下，本欄推介5次全中尤為滿意；未計周日兩場同市打吡大戰，不如談英超Big4內總令人又愛又恨嘅利物浦同阿仙奴。
原來兩隊今季聯賽分別6戰及5戰全開「大」，令人看得心花怒放，猶如德甲拜仁一樣；但係真正為你贏到錢嘅球隊，通常不屬此類。
莊家唔怕派熱W
英超水平唔係最強，但多人睇，除咗時間正之外，球隊多有豁出去、一往無前嘅決心，睇得好爽，這類球隊亦最擔飛；大莊家最喜見到這類球隊出場，因無論各類彩池，都有人賭，投注分散，莊家風險自然細；亦樂派似上周六晚瘋狂起票嘅阿仙奴[-1]或者利物浦單W畀波友。
兩軍踢了多場，小弟認為佢哋嘅中場無論創造性及截擊力俱比上季弱，任炮手多把握能力足，但失球亦甚多，對弱旅還可用泰山壓頂；但面對如上季靠1:0波膽稱霸嘅曼聯，及中場截擊力最強嘅車仔，非常吃虧。你見到阿仙奴入第4球時，法比仔木無表情，可見恰到韋根，但卻難忘艾迪巴約、難忘兩度敗走曼市，前景隱憂仍大。
莊家從不害怕為名牌球隊開盤大做，最驚你唔落叠，見到西甲雙雄剛輪流開了個5:2，球迷一定為仲冇得睇西甲牙癢癢；但莊家何嘗不是，只要他們有一天同日直播時齊爆廠，就係佢哋盤滿缽滿之時。
（下次見報日：周二）
Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期一3史達大（1.62）x星期一4士砵亭勝[-1]（1.85）2x1
星期一3史達勝3:1（17）、3:2（18）x星期一4士砵亭勝2:0（5）2x3
簡評：周一波評無可評，只宜博大霧