貴為國際大都市，豪宅市值貴過倫敦嘅香港，好多嘢都快人一步，香港早喺97年前後，兩份晚報已經頂唔順摺埋；十多年後，倫敦兩份晚報其一亦剛執笠，可見時代巨輪下，就算資訊係免費，都未必好巴閉，最緊要係料正讀者有用，廣告商支持。本欄今日英超重心捧愛華頓，希望呢粒「糖」好似上季咁好味就好咯。
小弟都做過幾年晚報，嗰種一坐低即埋首用支原子筆寫稿嘅壓迫感，加埋人少少學到嘢機會多，真係終身受用；不過之後資訊越嚟越爆炸，做到幾快都唔夠電視午間新聞，廣告日少，執笠也是必然。估唔到傳媒大亨梅鐸仲敢喺3年前，同《倫敦報》爭免費報紙市場，出咗一份《倫敦晚報》，結果年蝕近兩億港元，決定斬纜。
曼市打吡不宜重注
舊思維未必要沒落，但大家想喺時代巨輪下繼續再玩，要各出奇謀不斷求進步轉型求生；費Sir屹立英國球壇廿多年，今季首次受到同市、財大氣粗嘅曼城挑戰，賽前豪言有生之年，曼城都不能在曼聯之上，呢注押得大咯。我信曼城未成氣候，今日睇住佢老人家扭盡六壬替紅魔爭口氣；不過呢類大戰，唔係重注場合，我重心寧捧同晚稍後出場嘅愛華頓，主場迎布力般；承接上周中踢歐霸盃嘅氣勢，呢粒「拖肥糖」嘅單W更值博，蘇格蘭籍主帥莫耶斯，其實才是費爵爺最佳接班人！
（下次見報日：周一）
文：Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期日37愛華頓勝(1.72)
星期日4仙台維加泰勝[-1](2)x星期日21曼聯勝(1.55)2x1