何超瓊、何超雲及已故名特技演員柯受良（小黑）的女兒柯立珍，前晚現身君悅酒店出席保時捷新車活動。柯立珍穿上黑色晚裝與夫婿周博軒一起到場，原來柯立珍已二度懷孕，預產期為11月底。
「重咗35磅」
柯立珍說：「今胎已經知係女，家有7個月大，重咗35磅，今次陀得比較辛苦，頭5個月成日暈，不過生嗰時媽咪同阿哥（柯有綸）會喺台灣過嚟陪我。」湊足一個「好」字的她又說：「家個大仔都2歲3個月，都有啲妒忌，我同老公教佢，我哋最錫係佢，不過妹妹出世，就要哥哥錫晒佢。」
此外，何超瓊提到已故好友陳百強今年入行30周年時，她感觸良多地說：「佢係一個好真、實事求是同唔造作嘅人，所以喺娛樂圈對佢有好有唔好。」問到陳百強會否不願向別人傾心事？她說：「佢會搵我傾心事，仲好長氣。」
採訪：梁錦雯
攝影：陳順禎