小妹最鍾意遊船河，可以着三點式show吓身材。不過，近半年接二連三發生遊船河意外，計吓計吓，由4月底到家有成七個人喺遊船河嗰陣不幸遇溺身亡。都咪話唔得人驚。早幾日同保險公司MSIG市務部總監陳倩雯傾開偈，問吓佢萬一唔小心失足墮海遇溺身亡，買咗個人意外保險有冇得賠？
陳倩雯話，市面上嘅個人意外保險計劃，會就受保人因意外而引致身故或永久傷殘，作出一筆過賠償。好似MSIG嘅「平安寶3.0」為例，若果受保人遊船河嗰陣意外墮海喪生，保險公司會作出高達100萬一筆過賠償（最高賠償額視乎選購嘅保障計劃而定），等佢嘅家人獲得所需嘅經濟援助。
影響判斷力同反應
佢話，在職受薪嘅受保人仲可以喺個人意外保險計劃中附加暫時傷殘保障，一旦受保人因意外導致暫時做唔到嘢，就可以喺嗰段期間按所選嘅投保金額獲得定額賠償，最長可高達104周（約兩年）。
但係陳總監提醒小妹，買咗個人意外保險唔一定有得賠，因為若果受保人喺遊船河期間曾經飲咗酒精類飲品，甚至服食違禁藥物，影響咗判斷力同反應而最終導致意外，咁樣就未必有得賠。小妹覺得，有冇買保險都好，出海玩要時刻保持警覺，避免發生意外。
電郵：mailto:[email protected]