近期紅到爆的靚女廚師阿Kit，除了上《美女廚房》做評判，更埋首寫烹飪書，面對繁重工作，最好的減壓方法當然是︰食！睇唔出身形fitfit嘅Kit，原來嗜牛如命，更說要大啖大啖咬才滋味，難怪森美亦笑言下次應要為Kit出減肥書！
記者︰黃家欣
攝影︰梁細權、陳陶鈞、楊錦文、周旭文
400日穀飼牛油份重
煎牛扒，食材質量的講究，比手勢、技巧更重要，Kit非常欣賞MrSteakGrill的牛肉，就因為選料上乘。為製作優質DryAged（風乾）牛扒，餐廳特設一間DA房，將新鮮牛肉在房內陳放21日，至肉身的油份及水份風乾，肉味特別香濃，肉質細緻嫩滑，為阿Kit的至愛。同樣是「牛魔王」的森美則偏愛油份較重的鴨巴甸400日穀飼牛，小牛約兩歲起，以穀物餵飼達400日之久（一般只有百多日），所出的牛肉，味濃，脂肪分佈平均，口感豐腴。另外，Kit還特別推介這裏的日式意大利芝士餅，打成泡沫的忌廉，入口更覺輕盈，甜味減少了，反而添了一份清新，Kit最喜歡侍應會在面前製作，猶如表演，滿足她的好奇心。
一碟三種牛味
餐廳由即日至10月8日推出tastingmenu，有頭盤蘇格蘭煙三文魚、精選甜品及咖啡之外，最特別是主菜，一碟已包括了森美推介、油香十足的鴨巴甸400日穀飼牛扒，以及Kit最愛的美國DryAged牛扒，再加一件矜貴的日本和牛西冷，每塊扒約2-3安士，加起來相當一塊扒，卻可試到三種滋味。SignatureSteakTastingMenu$488
蘇格蘭煙三文魚（頭盤）
三文魚帶煙熏鹹香，伴新鮮蔬菜，口味清新。
朱古力慕絲（甜品）
朱古力砌成的人力車，賣相精緻，可可味濃郁，伴以鮮果，相當鮮甜。
Kit其他推介
芝士焗龍蝦忌廉帶子伴天使幼麪$258
龍蝦肉鮮味彈牙，肉汁充足，帶芝士鹹香；帶子爽身帶甜，食後滿口餘香。
意大利芝士餅$58
改良版Tiramisu，泡沫打得輕身，甜味及酒味減輕了，口味更輕怡，只留淡淡的朱古力香氣。
MrSteakGrill（28021128）
銅鑼灣加寧街5-7號C&D地舖
街頭五星級心機菜
森美推介的興發茶餐廳絕非等閒，老闆周師傅入廚三十多年，曾於農圃任大廚，其子Eric亦有十多年廚房經驗，二人曾於墨西哥洲際酒店任總廚，回港後開設興發，森美說「單聽故事背景已夠傳奇!」興發店面很「街坊」，卻能吸引不少富豪名人食家來幫襯，必有其過人之處。食譜、貨源跟足農圃，再經周師傅改良，例如招牌菜黑糯米釀雞翼，將黑糯米加入冬菇粒、火腿粒、瑤柱、蝦米等釀入起骨雞翼，風乾十小時至水份抽乾，炸起來外皮香脆，黑糯米煙韌而不膩滯。兩父子更不時創作新菜，如貴妃蝦肉鬆炒飯，將新鮮貴妃蝦曬乾再用嫩油浸至金黃香脆，用來炒飯的米，亦是用新、舊米溝出來，食來爽滑有咬口，帶蝦鹹香。銅鑼灣與大坑之間一條小街上，竟可食到五星級菜式，驚喜！
黑糯米釀雞翼$48/隻
由Eric親自將雞翼去骨，將炒香的黑糯米餡釀入，風乾十小時後才炸。雞翼外脆內軟，心機之作，每星期可賣二百多隻。
貴妃蝦肉鬆炒飯$48
鮮蝦曬乾後，用嫩油浸至香脆金黃，與白飯同炒，啖啖蝦香。師傅特別用少油炒，油膩感大減。
九層塔炒牛肉$68
台灣香料九層塔，香氣有點似薄荷，加入辣椒同炒，更能吊出牛肉味。
興發茶餐廳（25040888）
銅鑼灣摩頓台19號地下
備註︰逢星期日休息
精緻冬瓜玉葡萄
Kit身兼食物造型設計師，對食物賣相很講究，她最喜歡海景軒梁師傅的中菜。梁師傅用盡各種煮法以發揮食物的最佳味道，對外觀亦講究，一道欖菜玉珠，將冬瓜肉做成球狀，將中間挖空，釀入菜心粒、欖菜粒，再在碟上砌成一株葡萄，猶如一座白玉雕塑。梁師傅也愛鑽研新煮法，例如煙熏帶子，坊間少做，是怕煙熏的濃味搶去鮮味，但師傅則以玫瑰花茶燒煙來熏，帶子入口甜味十足，帶清幽花香，面層更泛着一層玫瑰紅，垂涎欲滴。
欖菜玉珠$148
冬瓜挖空釀入欖菜餡，砌成一株葡萄，賣相精緻，味道清中帶鹹香，冬瓜肉中夾雜爽甜菜心粒。
玫瑰花煙熏帶子$260
將玫瑰花茶、片糖煮熱來煙熏，帶子爽甜帶濃濃煙味和淡淡花香。
白玉龍皇卷$88/位
頂部是鹹香的東星斑魚肉捲雲腿；中間是爽滑的百花釀北菇；底層的菠菜蒸蛋白質地像棉花糖，入口帶清淡蛋香。
海景軒（27312883）
尖沙嘴麼地道70號海景嘉福酒店B2層
窩心韓式家庭小碟
阿Kit創作菜式天馬行空，曾炮製「初戀」味的飲品，但她亦愛傳統菜，尤其新羅寶的家庭式韓菜。餐前每枱有六小碟前菜最覺窩心，吃完還可refill，由韓國師傅親手醃製的泡菜、蘿蔔漬，還會不定時更新小碟的菜式，每次來都有新鮮感。店內食材、醃料，大部份來自韓國，風味地道。餐廳最多人點的是韓式燒肉，其中烤特級排骨，就以秘製韓式醬油來醃，燒烤後肉質帶甜味，油而不膩。店內過半員工均來自韓國，真係風味十足！
烤特級牛排骨$135/兩件
牛肉以秘製醬汁醃過，肉味帶甜，燒香後面層微焦香脆，肉質軟腍。
石鍋雜錦飯$110
韓國人傳統將飯及材料全放入鍋，吃時加辣醬甜醬拌勻，材料有牛肉、冬菇、紫菜及蛋等。
新羅寶韓國餐廳（28816823）
銅鑼灣波斯富街99號利舞台廣場17樓
《KitMak．草本煮意》$78
Kit曾推出多本西式食譜，將於10月初出版的新書則以各式香草為主題，製作頭盤、主菜到甜品等，由常見的迷迭香、紫蘇葉，到很多少見香草，阿Kit都有「煮」意。
