自賭王何鴻燊跌傷頭部進院，至今已入住港安醫院53日，卧病在床的賭王都不愁寂寞，曾任看護的陳婉珍前晚更通宵陪伴，直至昨午12時半才離開，有報道指賭王不能出院過中秋，陳婉珍說：「未知，要等醫生出咗報告先。」她更透露整晚跟賭王密密傾。
超雲：初時佢唔認得我
賭王昨午突傳病情轉壞，超瓊和超蕸昨晚7時多才離開醫院，對記者提問充耳不聞，兩姊妹木無表情，當超瓊上車時，現場記者追着拍照，她即擰歪面。較早走的超盈和超儀雖戴上墨鏡，但仍難掩愁容，超鳳則最遲才離開。
此外，超瓊昨晚在灣仔出席活動，大談父親康復進度，她說：「每日加多咗時間做運動，主要踩單車，有啲電動嘅單車。」問到可有8成康復？她說：「睇吓用咩基準嚟計啦，從前咁密集式運動，咁家梗係未到8成啦，但整體冇病情嘅問題。」同場剪了一頭短髮的超雲則說：「初時佢（賭王）唔認得我。」又謂已向學校請假兩星期，這陣子主力陪父親傾偈。
採訪、攝影：黃偉雄、梁錦雯、王崇穎