千億新抱徐子淇今時不同往日，夫家家族新酒店開幕，徐子淇花逾百萬港元邀請美國女歌手KatyPerry獻唱。徐子淇自爆為了老公的酒店生意，曾做探子試勻全港的酒店服務。
徐子淇老公李家誠旗下的新酒店TheMiraHongKong前晚開幕慶祝，以百萬港元酬勞邀請了24歲美國流行女歌手KatyPerry專程來港表演。祝酒時，徐子淇更拉埋容祖兒一齊舉杯，原來兩人曾經合作拍劇。
讚祖兒有才華
身穿RobertoCavalli大露背晚裝的徐子淇，戴上老爺李兆基送的巨鑽戒指，一身珠光寶氣，她說：「9年前同容祖兒合作過《新鮮人》，之後各有各忙，佢繼續唱歌，我就讀書。今次我有份請佢哋，佢兩個好young又好有talent。」問徐子淇是否參與家族生意？她即識做將功勞推給老公李家誠，她說：「呢個係老公嘅baby，不過唔係我生，但一樣咁珍貴。」她賣花讚花香大讚酒店服務，更自爆曾做探子，住勻全香港的酒店，更想開resort。
一身Dolce&Gabbana銀裙的KatyPerry唱了8、9首歌，包括熱門歌《IKissaGirl》等，她謂此行最開心是收到大會送了一盒免費靚衫給她。容祖兒和KatyPerry密密傾，祖兒說：「佢讚我條裙靚，話想搶我條裙着，仲讚我皮膚好，呢樣都係我個人唯一最靚嘅地方。佢真人對眼好大，好有復古美。」
Mango維護城城
提到蔡卓妍（阿Sa）傳訂婚，祖兒扮懵說：「係咪真？有佢會同我單聲，我哋之間冇秘密，佢冇話想結婚喎，佢想生BB，但唔係呢個moment。喺阿Sa眼中，我係keep唔到秘密嘅，因為我口大。」
至於早前被傳遭郭富城撇甩至病倒的王秀琳（Mango）盛裝現身，她自言已康復，問她城城可有慰問？她說：「唔講喇，唔想影響身邊任何人。」問她是否要保護城城？她說：「想保護身邊每一個人，但我唔需要人哋保護囉！」
採訪：顏英儀 攝影：陳慧安
