球場如戰場，邊有兄弟情講，希望阿仙奴一眾喺上周受到傷害嘅小將，收拾心情，今日打場真正嘅翻身戰。對手韋根換咗主帥肯攻，今場博阿仙奴上半場放盡拋開對手，捧入球「大」串射荷甲阿爾克馬爾「大」，再博波膽過關。
阿仙奴下周中踢聯賽盃對西布朗必會盡遣牛奶嘴球員，所以今晚對韋根，眾主力必不留手；而上仗3號門將一開波即失兩球嘅情況應不會重現啩，就博佢哋踢順景波同對手鬥攻開「大」，2串1串迎奈梅亨嘅阿爾克馬爾「大」。阿軍周中歐聯敗走希臘，但表現不俗，今返主場，又係一隻降級但剛受傷嘅超級大老虎。
足智彩日聯資料多沙石
馬會果然行動快捷，本欄昨晨一出，只見10點瞓醒上網，已見足智彩資料庫內格羅寧根嘅馬古斯貝治終「轉會」到德甲漢堡，其實資訊唔更新，在足智彩網上隨處可見，日聯尤為礙眼；有關人士嘅把關，無理由差過隔籬埠澳彩啩。好似原天鵝嘅射手柏度祖尼亞，因飛腳被中東球會撬走咗佢哋嘅李安度蒙迪拉而投效大阪市；而鯨魚嘅9號波衫原主人巴西兵達維，早已轉會，換咗個黑山外援，這類資料嘅沙石唔少，馬會應投放更多資源重視資訊更新，呢樣嘢隔籬埠個網做得唔差喎。
（下次見報日：下周日）
Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期六23阿仙奴大(1.65)x星期六74阿爾克馬爾大(1.65)2x1
星期六23阿仙奴勝3:1(10),4:1(15)x星期六74阿爾克馬爾勝3:1(11),4:1(16)2x3
簡評：下周中意西甲開快車，都係攻英荷好啲