待嫁新娘徐淑敏噚日同呂慧儀一齊出席台灣旅遊推廣活動，雖然一直有傳佢有喜，但係佢噚日仍然着高踭鞋出現，問佢係咪有喜佢就繼續笑笑口不置可否。之後佢又狂讚未婚夫Kenny，話佢對自己好又錫自己，一定會珍惜喎。至於會做伴娘嘅呂慧儀就話一定要見證好姊妹婚禮，就算公司已經幫佢接咗兩部新戲都會請假去喎。