畢賭翁:靠紅軍贏老婆本 - 畢傑

畢賭翁:靠紅軍贏老婆本 - 畢傑

上個禮拜趁住有3日假期,飛咗去宿霧放鬆,學人玩吓潛水、做吓spa、射吓真槍咁,算係幾relax啦,不過消費都算貴。畢傑一向覺得咩運動都難我唔到,點知潛水真係幾講技巧,好着重用個口去呼吸,而我就除咗瞓覺之外,通常都鍾意用個鼻嚟唞氣,所以初頭潛到落水好唔慣。
呼吸已經難,個背脊仲要孭住個極重嘅氧氣樽,潛到落幾米深雙耳又頂唔順,有一刻好有死亡感覺。好彩最後唔聽教練吩咐,自己改用口吸鼻呼方式,跟住先搵到潛水樂趣,但呢一潛就俾人潛咗我過千銀。
揼骨畢傑就揼得多,做spa都係第一次做,本身乾到會龜裂嘅皮膚,經此一役,當堂滑晒。要靠賭贏番老婆本,紅軍唔該你。
畢傑

近5場往績:WWWWW
主客和:利物浦勝
心得:一隊起一隊落