林海峰（Jan）前晚在紅館大噴口水，舉行《是但噏我願意》棟篤笑騷，全場座無虛席，老婆彭羚及父母捧場打氣，阿Jan大膽請來曾爆肺及暈低的謝安琪和葛民輝擔任嘉賓，掀起整晚高潮。Jan盡辣被爆秘密結婚的劉德華、黎明及楊千嬅，又提到全城熱爆的古天樂輪胎廣告及o靚模熱潮，當然少不了大玩諧音爆粗及不文笑話，令觀眾捧腹大笑。
採訪：王連連 攝影：葉君海
五大精采笑位
1.日本友牙射港女
「通常夫婦婚前互叫BB豬，但婚後就叫死嘢。我有個日本朋友娶咗個香港女仔，佢屋企有無敵外景，但只係一條罅景，真係小你罅景。有一日個日本朋友喺廁所「牙」射佢老婆，原來佢係用牙線拉咗舊雞肉出嚟射到老婆面上，老婆要佢食番，真係小你罅景。」搞到Jan嫂彭羚笑不攏嘴。
2.嘲黎明娶外星人
「唔明丁子高點解要娶楊千嬅？呢件嘢咁惡啃。我又唔明有一個女人可以等一個人等足24年，你哋24年等唔等到？喺銅鑼灣等24分鐘唔見人都走咗去，係咁先走人，等24年真係好偉大。我又唔明點解黎明會同樂基兒結婚，唔知佢哋點溝通，十足第三類接觸，地球人同外星人結埋婚，唔知點溝通呢？我開騷前同林生（林建岳）講，叫佢旗下藝人幫我大搞，估唔到佢真係有咁大搞咁大，真係娛樂大亨。」
3.打工仔變催至有
「自從金融海嘯之後，好多打工仔都會喺論壇上留言『返工能』，打工仔變晒韓國人崔智友，即係要催至有。如果你有負能量，咁你就有負能樣，正能量梗係正能樣，所以以後有人話你正能樣，千祈唔好嬲，即係話你有正能量，我有正能樣o架！」
4.笑o靚模夾胸創業
「成功與否好睇事業線生喺邊，（現場螢幕播出W字波片段）呢個事業如日方中，（螢幕播出兩點圖案）呢個喺萌芽階段，（螢幕播出夾胸圖案）十幾歲人要有事業就要用手去創業，係用手逼出嚟。」
5.玩不文警告新人
阿Jan請了一對新人出場，他大玩不文說：「嗱新郎哥，從今以後你只可以同一個人造……只可以行海底隧道，就算西隧幾空都唔可以入。」之後阿Jan唱《足球小將》歌詞：「攻呀攻快搶攻，射呀射射它吧……快啲生BB啦！」
焦點精品
林海峰每次開棟篤笑騷，均會推出一系列產品搶歌迷錢，今次除了帽、Tee和袋外，還有地毯、汽車裝飾和咕等。
