米雪和苗僑偉昨日到城市高爾夫球會為代言保健產品拍廣告，對於男友尹志強（尹佬）前日傳出病情告急的消息，米雪昨早從內地返港，她回應傳聞時從容說：「畀你哋嚇親，完全冇咁嘅事，講到入醫院唔係嗰回事，只係bodycheck，例行檢查，雖然係一個病，但多謝大家關心，希望大家好似《宮心計》嘅對白，存好心、做好事、說好話，對病者係要畀關心同支持，佢冇喺醫院，喺屋企休養。」
憂尹家擔心
米雪強調和尹佬對報道處之泰然，反而不希望尹佬的家人看到有關報道，米雪又謂不會特別擔心，明日她又會啟程到甘肅探訪，需時十多日，她說：「我日日知發生乜事，你哋睇我笑笑口咋，我心目中唔想利用呢啲題目去講嘢。」
採訪、攝影：卓寶花