時值盂蘭節同萬聖節之間嘅交界，同「鬼」有關嘅電影、商業廣告層出不窮，喺電台、Roadshow亦輕易聽到鬼故。相信去到下個月，坊間會有大量扮鬼扮馬活動，到鬼節正日通街更充斥南瓜人、殭屍或者人狼。
區區近日睇過一本宗教雜誌，入面訪問咗驅鬼牧師、臨床心理學家甚至曾被靈體附身嘅人士，結論係貪玩扮鬼，接觸靈體嘅機會真係會增加，假都變真，都幾無謂。
咁多嘢唔扮走去扮鬼，實際成為商業奴隸，如果咁至係潮，你潮埋我嗰份都得囉。曼聯呢隻紅魔「鬼」就唔怕扮，唔使到鬼節，明晚出街一面着住曼聯球星波衫，一面睇曼聯贏曼城，夠潮夠囂。
藍鑽石
近5場往績：LWWLW
主客和：曼聯勝
心得：擺明乘人之危啦