花旗股市前晚打破悶局，道指升咗108點，逼近10000大關，睇個勢，大戶已經做定嘢要砌上去，道指可能升到10200先至有回吐壓力。
港股都唔執輸，恒指噚日升過上21929，尾市雖然升幅收窄，但仍有365點進賬，收報21768，成交明顯增加，恒指應該仲有得升。
中交建C輪16273：中國交通建設（1800）昨收9.20元，升1.6%。升幅雖然唔算好大，但大成交突破20日線，有力上試9.70元，破位睇10.30元，可以諗吓隻C輪16273。
隻輪現價13.2仙，09年12月30日到期，行使價8.50元，溢價6.7%，引伸波幅48.7%，有效槓桿4.6倍，正股升上10.30元，16273睇21.4仙，如果正股跌穿8.80元，就沽咗隻輪止蝕。
俊樺