身為08年度亞姐季軍嘅賴琳恩，噚日以港幣50萬酬勞擔任內衣代言人，着到好性感喺台北一間百貨公司門口度，示範秋冬新款嘅冬內衣，一騷其32C咪咪。賴琳恩着住一身有SMfeel嘅皮衣勁歌熱舞，令到在場一眾宅男熱血沸騰，最令人驚訝嘅係台下有個男人一邊睇表演，手部一邊做出不文動作。
事後問番賴琳恩知唔知呢件事，佢聽到之後大嚇一跳，佢仲話如果俾佢親眼睇到，一定會走去嗰個人面前問佢：「你在幹嘛啊！」希望可以阻止佢再做不文動作。
木瓜奶做早餐
賴琳恩覺得自己胸部大細剛剛好，又透露15歲時只有Bcup上圍，之後佢就一直靠按摩、飲木瓜鮮奶豐胸，原來到家佢每日都keep住飲一杯木瓜奶做早餐。
對於最近有模特兒被踢爆做扯皮條，賴琳恩強調自己從來沒有做過呢啲事，佢話：「從來沒有過，雖然入行開始時很辛苦，一個月只有幾千元的收入，但我靠着兼職教小朋友舞蹈，增加收入。」