鍾嘉欣噚日喺太古城中心出席煮嘢食活動，佢仲向廚師學習煮西餐湯，不過現場所見，嘉欣唔係咁識整嘢食，佢話：「我好少煮嘢食，只係識整烚菜、煲飯、即食麪。不過我都識煲湯，媽咪準備好晒一包包材料。」嘉欣話如果有男朋友或者結婚，一定會學煮飯，佢話：「我試過煮嘢畀一個男仔食，當然對佢有好感先煮，但最終都冇下文。」