本地老牌球會東方上季尾突然決定回歸丙組，雖然令唔少球迷失望，好彩佢哋仍有唔少搞作。東方除會繼續培訓青年軍，又搵咗歐偉倫、楊健強同和哥等重組「東方王朝」；最新動作喺搵番前東方教練黃興桂（圖）做掛名總教練，而「皮蛋黃」接到邀請後，仲即刻決定提早返港，嚟緊星期日會親自帶隊喺丙組開鑼戰對龍門。東方總監梁守志好坦白咁講，其實今次搵人氣講波佬黃興桂幫手，諗住搞啲噱頭；我求大俠記得「皮蛋黃」響80年代尾教過東方，今次諗到搵佢返嚟做總教練，夠晒諗頭。東方躉想睇場波，下周日（20日）3點3可以去荃灣海濱公園捧場，而且免費入場㖭。