要上位，吊高嚟賣未必可行。就像意大利手袋牌子Coccinelle，以中位價錢引大家胃口，近幾季成功吸納一班OL歡心。這個上位道理，在娛圈打滾一段日子的Mango（王秀琳）當然明白，雖然最近靠「新任城嫂」一詞贏得封面，不過作風依然親民，拍攝時訪問做足兼大晒買手袋心得。嗱，手袋價同做藝人一樣，高竇未必Work，親民先至襟撈！
記者：葉雪芯
攝影：林栢鈞
Hair：PerryChan@Privatei
Makeup：CarrieChan@MAKEUPFOREVER
星級Fans密密掃
各大AGrade名牌，價錢一味向上攀升，閒閒哋一個ITBag，起碼五位數字找數，有人得個恨字，有人就死慳死抵甘願做奴隸。終於到了上幾季，大家不用再齋睇無得買，意大利手袋Coccinelle以中價做餌，大部份袋款的價錢都只是四位數有交易，少部份用料較貴的，例如狐狸毛一類才會過萬，引來不少星級Fans如余安安、官恩娜等，一落場就掃幾個，就咁聽都覺得過癮。
意大利甲蟲穩陣派
Coccinelle是意大利文，即是「甲蟲」的意思，品牌名夠晒得意可愛，但其實作風就非常親民。除了以中價位引死人之外，仲主打上班長青款式，例如今季主打的WorkBag，四四方方的大袋，實用程度極高，放File文件一流。即使手工較花巧的Patchwork系列，袋形甚至皮革的配搭亦是十分易襯。加上各個款式都有不少顏色選擇，紫、紅、橙、寶藍等，玩Mix&Match最啱，擺明主攻手袋界最大族群──OL啦！另外，今季還加入了不少配飾，例如銀頸鏈和手錶，用料絕不欺場，由水晶、馬毛等製作，也只是五千樓下，以一個Hi-End牌來說，價錢十分抵玩！
購物狂也心動
Coccinelle成功上位，近排勁傳緋聞做「新城嫂」的Mango同樣人氣升呢，連續幾期雜誌封面都有佢份。對於緋聞，Mango雖然封口不再講，不過就大方同小記分享買手袋心得：「最緊要易襯！咁貴買一個手袋，梗係想多啲機會用得到啦！以前多數都買大袋，方便出Trip同埋做嘢，一次過將全部雜物放入去，拎起就走！但今季流行四四方方嘅手袋，我都買咗一個好似公事包嘅手袋，用來襯西裝褸好靚！」
一向是Chanel、Balenciaga擁躉的Mango，自言是個購物狂，一出街見到靚袋就好想買，亦曾經試過豪花幾萬買一個Hermès的BirkinBag。今次眼見中位價的Coccinelle，當然覺得好吸引：「羊皮、牛仔皮的ClutchBag款式好靚，好啱着晚裝或者去Event。黑色毛毛款式都好易襯，感覺得意又得、高貴又得。」看來Mango已經有心水，唔知會掃走幾多個呢？
Coccinelle（22347712）
中環國際金融中心1040舖