噚日A股下跌，但港股就創52周新高，A股同港股背馳有乜玄機？可能同遲啲國內放國慶長假有關，內地放假冇股炒，啲錢可能會流入港股。
港股噚日嘅升勢有成交支持，估計同熱錢流入有關係，金管局向市場注入15億港元，好可能係資金大量流入嘅前奏，如果真係咁，港股後市可睇好。
工行C輪5837：工商銀行（1398）昨收6.15元，升4.4%，以大成交升破6元關，技術走勢強勁，若升破6.40元，將推向7元關，可以翻兜隻C輪5837。
隻輪現價88仙，2009年11月27日到期，行使價5.38元，溢價1.7%，引伸波幅36.3%，槓桿率6.9倍（有效5.7倍），正股升上7元，5837睇1.64元，如果正股跌穿5.90元，就沽咗隻輪止蝕。
俊樺