隔牆有耳:公眾有謠言知情權 - 李八方

隔牆有耳:公眾有謠言知情權 - 李八方

記者主席麥燕庭Mak姐搞完大遊行後,嗌口號聲嘶力竭,噚日出席一個新聞自由演講會時,聲音仍未復元。Mak姐話抗議行動未完結,正聯絡不同傳媒團體聯署聲明,希望10.1前成事。
Mak姐入行逾廿年,話新聞自己不能失守分毫,佢指有時政客特別麻煩,當記者寫嘅嘢稍為唔合心水,都可能會投訴,有時甚至會直接搵傳媒老闆向前線記者施壓,對於呢種無視新聞自由嘅政客,Mak姐引述一位商界人士講法,「佢話寧願有聽謠言嘅自由,都好過你指明乜嘢我可以聽。」佢話公眾有判斷力分辨謠言、真相,唔係政客作出無理投訴,就可以左右公眾判斷。