幸福潮媽陳慧琳（Kelly）之前為Tod's要去新加坡宣傳，搞到淚灑活動，她昨日在中環出席該品牌活動，滿腦子都是愛兒的Kelly，揚言要起蝦餃仔學校，自己更為乖仔變身狗仔隊，私密拍攝愛兒全裸出浴照。
潮媽天后陳慧琳為了愛兒「蝦餃仔」劉昇，大減工作，不開演唱會，早前更因要離港工作不捨愛兒而當眾落淚。Kelly昨日在中環置地廣場出席意國名牌Tod's活動，一身紫色裙現身，支持自己的陳慧琳基金，大會將攝影集《ItalianTouch》部份收益捐給其名下基金。
拍裸照私存欣賞
Kelly說：「希望可以籌到6位數字，家基金已經起咗30間學校，四川地震嗰面起好咗10間。」問她可會用愛兒名字為學校命名？Kelly即眉飛色舞說：「都好喎！叫蝦餃仔學校，啲人可能以為係教煮餸嘅學校。」她滔滔不絕說：「家日日喺屋企對住佢、望住佢，好似變咗狗仔隊咁，追住佢連環快拍係咁影，我仲幫佢影咗三點盡露嘅出浴相，不過只會畀相熟朋友睇。」
Kelly透露老公Alex都有揸機，至於何時為兒子擺喜酒如百日宴？她說：「應該唔會，因為有H1N1，外面好多菌。」至於收身大計，Kelly說：「仲差7磅呀，減多咗1磅咋，好大壓力。」Kelly又謂會參與錄製公益碟，帶出正能量。
Monica想生龍仔
林建岳女友Monica也有現身活動，穿上鬆身裙的她狀似有喜，Monica否認說：「有plan過再生，都有同林生傾過，都想，但係冇時間，所以暫時唔會。」但Monica又忍不住說：「我都好鍾意BB，個女係龍年出世，希望可以再生個龍仔。」除了造人，Monica做生意也十分順利，家具店Homeless下月會在銅鑼灣開第9間分店，她更準備明年在港開麪包店。
採訪：顏英儀
攝影：陳志嵐
