英格蘭超級聯賽會周一同20支英超球隊達成協議，下一個球季起，每支英超球隊25個註冊球員中，至少有8個「home-grown」（本土成長）球員在陣，我求大俠起初都戥阿仙奴擔心，事關佢哋本身冇咩土炮，不過睇番英超聯會對本土成長球員嘅定義，喺不論國籍，只喺根據球員在21歲前，喺英格蘭或威爾斯青訓系統受訓3年就得。阿仙奴除咗英格蘭新星韋舒亞外，基本上法比仔、桑治同賓特拿等都合資格，唔怕唔夠腳；車路士亦都好醒，季初已入定史杜列治同端布爾呢啲「home-grown」。睇嚟明年暑假，「home-grown」都幾受英超球隊歡迎，叫價自然高。