【本報訊】教育界近年經常批評中、小學校長權力過大，校長幾乎可在學校隻手遮天。教師礙於飯碗，面對問題弊病也往往敢怒不敢言；反之，不少有能力監察校長的校董及辦學團體，對學校事宜卻不聞不問，讓部份校長坐大。
私校更難控制
教協會權益及投訴部副主任韓連山表示，作為學校領袖，校長權力可說是無限大，「如果係一個好鍾意弄權嘅人，幾乎可以喺學校隻手遮天，因為由政策推行到學校運作，以至斥資買書，校長都有權決定。老師嘅生殺大權都一樣喺校長手，試問啲老師見到有問題又點敢出聲？」韓續稱，官津及直資學校同受《資助則例》監管，出事機會相對較低，反之若「土皇帝」校長身處私校，情況更難控制。
教育政策關注社主席張民炳則指，校本管理有助監察校長權限過大的問題，校董會、校監及辦學團體也應該當好把關角色，然而現實是不少人未有負起相關責任，「有好多校董開會都唔知喺度做乜，成日遊魂，唔係就話自己唔得閒，當佢哋都唔管校政，校長更加有空間為所欲為。」