周汶錡（Kathy）自從法籍男友Julien被拍到跟新人張苡澂擁吻，閉關近1個月昨日才在跑馬地出席莎莎婦女銀袋日揭幕禮。Kathy自稱放暑假說：「去咗1個月台灣，家開季咪返嚟囉，聽日都去上海做嘢。」重提男友偷食事件，她明寸張苡澂做新聞，她說：「唔想再講喇，費事再有人炒作，又有啲古仔出嚟。」
否認仰藥
Kathy謂和男友已雨過天青，事件上投以100%信任，更會叮囑男友小心，對有傳她為男友緋聞服藥，她說：「真係？唔會啦，我好正面、理智嘅現代女性。」
此外，鄺美雲今年為銀袋日設計紀念襟針駿馬明珠，她謂發現馬迷8成是男士，所以將襟針設計成可變擺設，更有寓意「袋袋平安，袋錢落袋」的銀袋。
採訪：LawWaiMan
攝影：DickyChan