世青盃嚟緊喺24日開鑼，各國都為選人而爆頭；英格蘭一向有大把質素高嘅後生仔，連阿士東維拉前鋒艾邦拉荷，同埋阿仙奴翼鋒禾確特，呢啲筍貨都係英格蘭U21嘅代表。我求大俠諗都諗唔到，今次呢班英格蘭U20代表嘅名氣原來咁弱，睇吓個21人大軍名單中，個名最響已經係阿仙奴嘅預備組仔加雲賀迪，其餘啲咩馬菲占士同馬田基利等小將，唔講真係唔知係英超Big4曼聯同利物浦嘅成員。聽講足智彩會為有線有得睇嘅世青盃開盤，不過家陣嘅計劃仲係有直播先有得賭，而冇直播嗰啲賽事，就仲諗緊開唔開喎。唉，望見英格蘭U20個陣容，睇嚟都係陪跑居多。