噚日半日市港股反覆下跌，不過成交只係一般，而且跌幅細，加上支持位相當接近，噚日嘅跌市冇乜大啟示，股民仲係等緊新消息入市。
花旗股市繼續喺高位反覆，A股就靠穩，金價喺1000美元關徘徊，後市仍睇好，金股可以趁調整收集。睇番啲大藍籌，好友仲係托住滙豐控股（005）穩住大市。
滙控C輪17929：滙控昨收84.80元，逆市升1.1%。10日線好快會升破20日線現黃金交叉，滙控短線有機上試90元，可以諗吓隻C輪17929。
隻輪現價53仙，2010年3月8日到期，行使價93元，溢價15.9%，引伸波幅36.5%，槓桿率16倍（有效6.3倍），正股升上90元，17929睇76仙，如果正股跌穿82.30元，就沽咗隻輪止蝕。
俊樺