颱風巨爵打到來，港股昨日只得半日市。散戶焦點係新股中國生命（8296），開市冇耐又再大升76%至4.24元，之後就由高位大幅回落至3.10元收市。有口痕友話，呢隻股票喺4.24元見頂，唔通數字背後真係有玄機？
市場有分析認為，中國生命升幅咁勁，其中一個原因係公司業務獨特，市場上冇同類股可揀。由呢個角度睇，中國稀土（769）亦有得諗。
前中國領導人鄧小平曾講過「中東有石油，中國有稀土」。中國現時係全球最大稀土資源國，儲量亦係世界第一，其次係美國，但美國早已停止開採，並向中國進口有關資源，搞到過去多年中國稀土出口量倍增，家陣當局意識到問題嚴重，遂制訂國策要保護稀土資源及建立儲備。
上望2.25元
如果要跟國策炒股，港股市場目前只有一隻中國稀土可供大家投資，當然不容錯過。該股周一創52周高位1.89元，昨略為回氣，跌2.7%，收報1.78元，惟技術強勢未改，伺機買入博破頂，目標2.25元。
方星俠