唔經唔覺，金融海嘯已經發生咗一年，近日官紳名流城中才俊紛紛發表周年劫後感，繼四叔李兆基後，另一大孖沙、新世界發展（017）主席鄭裕彤（圖）噚日覆電郵畀華華，好慷慨咁分享佢嘅睇法。彤叔話，金融海嘯已經過去，佢自己吸取到嘅經驗，就係應付危機最緊要有信心，只要心態保持樂觀積極，唔好自亂陣腳，始終會否極泰來。
彤叔穩健中不失樂觀嘅態度，貫徹佢一向快活逍遙嘅性格，其言論同日前四叔「居安思危」嘅呼籲，同樣值得投資者參考。四叔經過一年股海浮沉後，防風意識更加明顯，佢早兩日提醒廣大市民，如果通脹升速太急嘅話，就要小心爆發海嘯第二波。