阿仙奴跨月兩連敗,班o靚仔唔夠人哋人工高,又唔夠人哋打;幸今晚作客到比利時標準列治,係時候大反撲復前失,嫌單W唔夠食,博埋「客勝」,再串英冠卡迪夫城下盤。
做o靚仔嘅時候好喜歡同一班同學仔睇本地波,尤其係去草根球迷多嘅旺角場。一嚟近屋企皮費輕,二來個場嘅座位同草地好近,氣氛特別熾熱;聽到隔籬啲麻甩佬阿伯,見啲球員踢得唔順眼,就會好齊心,大喊「X」呢個字。面對屋企人俾人多番親切問候,作為當年仲好好景嘅本地職業足球員,印象中佢哋從不理會,只專注踢波。我哋一路話佢屎,亦會一路捧場,大家各取各需,相安無事。
人有時有劣根性,越多錢嘅越要貪;又或者越覺自己地位高,越唔鍾意接受批評。球員若然話聽到球迷叫囂挑釁,就要還擊,引起場內秩序大亂;呢類咁無知嘅行為,是否應該受到懲罰?看官自有判斷。總信山水有相逢,一時風光,有幾巴閉呀!
雷丁賣盤難讓卡城
阿仙奴嘅問題仍然存在,但今次喺歐聯抽得好籤,如降班出賽嘅大超班馬,作客對應係全組最屎嘅標準列治,就算半力都實食冇黐牙。波友可博埋贏兩球攞番上兩仗失去嘅本錢,串射作客到雷丁嘅英冠卡迪夫城下盤;雷丁降班後傳出賣盤,班主確認無心戀戰了。
(下次見報日:周五)
文:Leung
簡介:不理盤路,不信陰謀論,最重勤力睇波,跟足軍情,吼準一擊。
今日精選
星期三9阿仙奴勝[-1](2.5)
星期三9阿仙奴勝(1.53)x星期三12卡迪夫城(下)(1.76)2x1
簡評:唔熟唔食,今日都係捧番英國球隊場