台資LED燈飾製造商真明麗（1868），噚日公佈委任曾金穗出任首席執行官（CEO）一職，負責內地、香港同埋海外所有子公司業務，即日生效。公告話，現年51歲嘅曾生，91年喺英國艾登威爾大學（EdenvaleUniversity）獲得計算機科學博士學位。
Webb：艾大無資格頒學位
不過，呢份通告出街冇幾耐，身為牛津大學高才生嘅網上股評人DavidWebb即時發炮，話「艾大」唔係擁有可頒發學位資格嘅認可機構，英國政府商業創新科技部門一早警告，任何未獲授權嘅組織頒授學位即屬違法。
Webb仲話，該校曾涉嫌發出虛假畢業證書，而曾生嘅博士學位，極可能有問題。
不過，真明麗發言人就話，已經確認曾生嘅博士學位係通過所需程序及要求而取得嘅，仲話對於佢嘅能力同專業資格，以至為公司未來發展將作出嘅貢獻充滿信心㖭。