喺內地德高望重嘅全國政協常務委員，兼崔護重來香港上市嘅民生銀行，佢哋嘅名譽董事長經叔平噚日駕鶴仙遊，享齡91歲。
根據新華社嘅報道，身兼第9屆全國政協副主席嘅經叔平，噚日傍晚大約5時左右，喺北京與世長辭。新華社仲形容經叔平係「中國共產黨的親密朋友」。
政協常委 享齡91歲
出生於上海世家嘅經老，祖籍浙江上虞，畢業於上海著名學府上海聖約翰大學，自1957年起，已歷任全國工商聯副秘書長、常委及副主席。佢出任全國工商聯副主席時，便曾向國家領導人獻計，建議由全國工商聯牽頭民企，組建民生銀行，並以市場金融體制運作。建議果然獲批，並開民企湧現嘅蓬勃風氣。
民生銀行已向港交所（388）遞交上市申請，並計劃今年底前喺香港發H股，一手參與創辦該行嘅經叔平，可惜無緣出席上市儀式矣。