噚日黃昏掛8號波，個風如果行得慢，今朝或者港股都要休市，不過，晏晝應該點都會開市，大家要有所準備。
人人等掛8號波，噚日個市變咗你眼望我眼，成交好靜，由於怕今日打風停市，股民傾向沽貨而唔係買貨，所以個市跌兩百零點好正常。短線大市會偏靜，買貨可以採收集策略。
神華C輪17097：中國神華（1088）昨收33.75元，跌0.3%，算係好硬淨，股價回試10日線後反彈高收，短線有機上試35元，破位睇38元，可以諗吓隻C輪17097。
隻輪現價69仙，2009年12月21日到期，行使價27.99元，溢價3.3%，引伸波幅50.4%，槓桿率4.8倍（有效3.9倍），正股升上38元，17097睇1.05元，如果正股跌穿32元，就沽咗隻輪止蝕。
俊樺