有翻版張栢芝之稱嘅貢米呢幾日嚟香港宣傳，等呢度嘅觀眾認識吓佢。噚日佢喺監護人朱永龍陪同下到新城接受訪問，雖然朱永龍做晒貢米經理人嘅工作，但原來貢米同佢之間係冇任何合約，呢刻只係講個信字維繫。講到若果有酬勞收入點分賬，貢米話自己唔在乎錢，朱永龍就話暫時收入會交畀貢媽媽，等日後簽唱片公司雙方先訂合約傾分賬。